ايه الحكايه فى مصر؟
المواطن المصرى يلاحظ التخبط على المستوى السياسى والاقتصادى و الإجتماعى ويسأل نفسه فى الأخر السؤال الشائع
هوه فيه
ايـــــــــــــه؟
انا اقولكم فيه ايه ونبدأ وحده وحده:
اولا-على المستوى السياسى
الحكايه يا سيدى هيه إن امريكا هى التى تحكم مصر ومبارك ليس إلا رئيس تنفيذى لما تمليه عليه امريكا يعنى مثلا يقوم
ناس بالإصلاح فى مصر ويعلموا الناس إللى ليهم وإللى عليهم ويفهموا الشعب إللى بيدور حوليه تزعل امريكا لان ده
مش فى مصلحتها تقوم تقول لمبارك إزاى ده يحصل وإنت فى مصر امال انا ممسكاك مصر ليه يقوم مبارك يأمر حاشيته
بإعتقال هؤلاء الناس ويوزع التهم عليهم وتنتهى حياتهم فى السجون والمعتقالات وليس ادل على هذا من" محاربه مبارك
لحركه الإخوان فى مصـــــــر ونحن نعلم مدى جديه هؤلاء فى القضاء على الفساد وتخليص الامه الإسلاميه من اعدائها
" وكمان مثال واضح جدا علشان أوضحلك الفكره اكتر وتفهم إللى بيدور فى مصر حركه
القضاء المصرى وثوره القضاه المصريون فى وجه مبارك وحسبه معترضين على نتيجه الإنتخبات الرئاسيه الأخيره
ويوضحوا للناس ما حدث فيها من تزوير فما كان مصيرهم؟ الحبس والإعتقال وإحالتهم للمعاش وده طبعا غير التزوير
إللى حصل فى الإستفتاء الأخير على تعديل الدستور إللى لحد النهارده أنا مش عارف هوه عدل الدستور ليه مع إن اكبر
الفقهاء فى القانون الدستورى قالوا إن هذا التعديل غلط المهم إن إحنا عرفين إن الشعب كله قاطع هذا الإستفتاء فلما يأتى
عمنا مبارك ويقول إن نسبه الموافقين على التعديل 97% يبقى أكيد فيه حاجه غلط فى مبارك وحكمه وحزبه إللى أصبح
مكروه كره العمى فى مصر يأما العيب فينا كأن نكون مثلا بنمشى وإحنا نائمن فرحنا صوتنا على الدستور وشيعنا جنازته
وإحنا مش حاسين وأنا نفسى أميل للغلط الأول ولا أيه رأيك. وطبعا مننساش إن مبارك وارث مصرعن أجداده ومش
عاوز يموت إلا وهوه سيبها لإبنه "جمال" ولكن هيهات هيهات فالشعب المصرى عن بكرة أبيه واعى لهذا ولن يسلمها لهم
لإن بالعربى إحنا مش ناقصين .وده غير طبعا غير التدخلات السافره لامريكا على مستوى السياسه المصريه الخارجيه
فلا تعليق على القضيه الفلسطينيه ولا حصار غزه ولا قتل وإبادة إخواننا فى فلسطين ولا كأنها عربيه ولا بها القدس ولا
المعراج ولا موطن الرسالات . وكل إللى بيحصل عندما تثورالشعوب العربيه لنصرة إخوانهم فى فلسطين تخاف أمريكا
فتقول للمعلمين (الحكام العرب) وخاصه معلم مصر(مبارك) إعملوا مؤتمر قمه عربيه أو قمه مهلبيه وأمريكا مش بتعمل
كده علشان سواد عينا ده علشان تهدئ ثورة العرب ليس أكثر دا غير الإعتداءات السافره على نبينا (ص) من جانب
الدنمارك لعنه الله عليهم ومفيش ولا حاكم عربى طلع أدان هذه الأقاويل والسباب على نبينا (ص)ليصدق عيهم قول الله
تعالى"صم بكم عمى"أما لو كان هذا السباب عليهم لحدث ما لا يحمد عقباه وكان زمانهم طردوا السبير الدنماركى من
بلادهم وقاطعوا الدنمارك وبقت ليله سوده .
وإن شاء الله لنا تكمله مع الحاله الإقتصاديه والإجتماعيه فى مصر
ليست هناك تعليقات:
إرسال تعليق